Навоида пластик гувоҳномалар жорий этилди

Сўнгги вақтларда йўл ҳаракати хавфсизлигини таъминлаш, соҳани янада такомиллаштириш, ҳайдовчи ва пиёдаларга турли қулайликлар яратишга алоҳида эътибор қаратиб келинмоқда. Худди шу маънода ҳукуматимиз томонидан бир қатор муҳим ҳужжатлар имзоланиб, амалиётга татбиқ этилди. Ўзбекистон Республикаси Вазирлар Маҳкамасининг 2017 йил 2 март куни имзоланган "Миллий ҳайдовчилик гувоҳномасининг ҳамда автомототранспорт воситаси рўйхатдан ўтказилганлиги тўғрисидаги гувоҳноманинг янги намуналарини жорий этиш чора-тадбирлари тўғрисида"ги 116-сонли қарор тизимни такомиллаштиришда муҳим қадам бўлди. Ушбу қарорга асосан, республикамиз ҳудудида 2017 йил 1 октябрдан бошлаб тегишли равишда миллий ҳайдовчилик гувоҳномасини расмийлаштиришда миллий ҳайдовчилик гувоҳномасининг, автомототранспорт воситасини рўйхатдан ўтказишда (қайта рўйхатдан ўтказишда) автомототранспорт воситаси рўйхатдан ўтказилганлиги тўғрисидаги гувоҳноманинг янги намуналари берилиши йўлга қўйилади. Вилоят ИИБ ЙҲХБ бошлиғининг ўринбосари, подполковник Валижон Ашуров билан шу мавзуда суҳбатлашдик.

— Ҳайдовчилик гувоҳномасига қан­дай ўзгартиришлар киритилди, унинг аввалгисидан фарқи, афзалликлари ни­мада?

— Миллий ҳайдовчилик гувоҳномаси 1968 йил 8 ноябрда қабул қилинган Йўл ҳа­ракати тўғрисидаги Вена конвенцияси тавсияларига мувофиқлигини таъминлаш, мил­лий ҳайдовчилик гувоҳномаларини ҳамда автомототранспорт воситаси рўй­хатдан ўтказилганлиги тўғрисидаги гувоҳ­номаларни рўйхатдан ўтказиш ва ҳисобга олиш тизимига замонавий ахборот-ком­муникация технологияларини жорий этиш­ни самарали ташкил этиш мақсадида тай­ёрланган бўлиб, махсус ҳимоя қатлам­лари­га эга. Унда конвенция талабларида белгиланган мажбурий маълумотлар лотин алифбосида, ўзбек тилида ёзилган. Мил­лий ҳайдовчилик гувоҳномаси пластикдан тай­ёрланади. Гувоҳнома ўлчами 54х86 мил­лиметрни ташкил этади. Миллий ҳай­дов­­чилик гувоҳномасида Ўзбекистон Рес­публикасининг номи давлат тилида, рус ва инглиз тилларида ёзилган. У қалба­ки­лаштиришдан ҳимоя қилувчи мустаҳкам ва мукаммал ҳимоя воситаларига эга.

— Маълумки, эски намунадаги мил­лий ҳайдовчилик гувоҳномасида А, В, С, Д ва Е тои­фалари акс эттирилган эди. Энди­лик­да бу тоифалар қандай кўриниш олади, гу­воҳномани юритиш тар­тиби қандай?

— Янги нусхадаги миллий ҳайдовчилик гу­воҳномасида бунга бироз ўзгартириш киритилди. Эндиликда ҳайдовчилик гу­воҳномасида А, В, С, Д, ВЕ, СЕ ва ДЕ тои­фа­лари акс эттирилади. Бунда А-мото­транс­порт воситаларини бошқаришга, В — А тои­фасига кирмайдиган, тўла вазни 3,5 тон­на­гача бўлган ва ҳайдовчи ўрнидан таш­қари ўриндиғи 8 тадан ошмайдиган ав­то­мо­билларни бошқаришга, С — Д тои­фасига кирмайдиган, тўла вазни 3,5 тон­на­дан ор­тиқ бўлган юк автомобилларини бошқа­риш­га, Д — йўловчи ташишга мўл­жал­ланган, ҳайдовчи ўрнидан ташқари ўрин­диғи 8 тадан ортиқ автомобилларни бош­қа­риш­га ва Е — тиркамали транспорт во­сита­лари­ни бошқаришга рухсат бе­рар­ди.

Янги нусхадаги миллий ҳайдовчилик гу­воҳномасида Е тоифаси учга бўлинди. Бун­да ВЕ — А тоифасига кирмайдиган, тўла вазни 3,5 тоннагача бўлган ва ҳай­довчи ўрнидан ташқари ўриндиғи 8 тадан ош­майдиган автомобилларни тиркама билан бошқаришга, СЕ — Д тоифасига кир­май­диган, тўла вазни 3,5 тоннадан ортиқ бўлган юк автомобилларини тиркама би­лан бошқаришга, ДЕ — йўловчи ташишга мўлжалланган, ҳайдовчи ўрнидан ташқари ўриндиғи 8 тадан ортиқ автомобилларни тир­кама билан бошқаришга рухсат бери­лишини билдиради.

— Янги нумунадаги миллий ҳай­дов­чилик гу­воҳномаси қанча муддатга берилади?

— Миллий ҳайдовчилик гувоҳномасининг ҳамда автомототранспорт воситаси рўй­хат­дан ўтказилганлиги тўғрисидаги гувоҳ­номанинг пластик шаклда тайёрланадиган янги намуналари босқичма-босқич жорий этилади.

Янги намунадаги миллий ҳайдовчилик гу­воҳномаси 10 йил муддатга берилади. Ҳайдовчи ундан фойдаланганидан сўнг ҳар ўн йилда алмаштириб туриши керак. Чун­ки ўн йилда инсоннинг ташқи кўри­ни­ши ўзгаради. Бу эса унинг ҳужжатларини тек­ши­риш жараёнида турли тушунмовчи­лик­ларни келтириб чиқариши мумкин. 

Ўзбекистон Республикаси Вазирлар Маҳ­­камасининг қарорида амалдаги ҳай­довчилик гувоҳномаларини янги намуна­даги миллий ҳайдовчилик гувоҳнома­лари­га алмаштириш муддатлари ҳам белгилаб берилган. Унга кўра, миллий ҳайдовчилик гувоҳномасига эга бўлган ҳар бир ҳай­довчи 2017 йил 1 октябрдан бошлаб 2018 йилнинг 31 декабрь кунига қадар, эски намунадаги ҳайдовчилик гувоҳнома­лари­ни янгисига, уларнинг берилган санасидан қатъи назар, эгасининг ёзма аризасига кўра ихтиёрий равишда алмаштириб бе­рилади.

2019 йил 1 январдан  2020 йилнинг 31 де­кабрига қадар эса эски намунадаги барча ҳайдовчилик гувоҳномалари, улар­нинг берилган санасидан қатъи назар, мажбурий тартибда янгисига алмаштири­лади. Шундан кейин, яъни  2021 йил 1 ян­вардан бошлаб эски намунадаги барча ҳайдовчилик гувоҳномалари ҳақиқий эмас, деб топилади ва бу ҳайдовчилик гувоҳ­номалари билан автомототранспорт во­ситаларини бошқариш, ҳайдовчилик гу­воҳ­номасиз автомототранспорт восита­ларини бошқариш бўлиб ҳисобланади ва ҳайдовчига нисбатан белгиланган тар­тиб­да маъмурий чора кўрилади.

— Янги миллий ҳайдовчилик гувоҳ­но­­масини олиш ва ҳозирда фойда­ланишда бўл­ганларини алмаштириш тар­тиби қандай?

— Ушбу янги ҳужжат 1 октябрь кунидан бош­лаб ҳайдовчилар тайёрлаш ва қайта тай­ёрлаш курсларини тамомлаганларга на­зарий ва амалий имтиҳонлардан ўтган­лари­дан сўнг берила бошланади. Шу­нингдек, бирор-бир сабаб билан эскирган, яроқсиз ҳолга келиб қолган ва йўқолган ҳайдовчилик гувоҳномаси ва унинг талони янгисига йўл ҳаракати хавфсизлиги бош­қармаларининг рўйхатга олиш ва имтиҳон бўлимларида ҳай­довчилар томонидан за­рур ҳужжатлар тақдим этилганидан сўнг ал­маштириб бе­рилади. Бу ўринда шуни таъкидлаш лозим­ки, эски нусхадаги ҳай­довчилик гувоҳ­но­маси ва унинг талонини алмаштириш учун ҳайдовчилар ўқув таш­килотини тамом­ла­ган­ликлари тўғриси­да­ги имтиҳон варақа­си­ни, ҳайдовчилик гу­воҳномаси ва унинг талонини, тиббий кў­рик маълумот­но­масини, тўлов чиптасини, транспорт во­ситасининг қайд этиш гу­воҳномасини ёки ишончномани ва шах­сий паспорти, корхона ёки ташкилотларда ҳайдовчи бўлиб иш­ловчилар иш жой­лари­дан маълумотномани тақдим этишлари лозим.

Автомототранспорт воситаси рўйхатдан ўтказилганлиги тўғрисидаги гувоҳнома ҳам янгиланди. Бу гувоҳнома ҳам ўлчами 54х86 мм. пластикдан тайёрланади.

Автомототранспорт воситаси рўйхатдан ўтказилганлиги тўғрисидаги гувоҳномани янги намунадаги гувоҳномага алмаш­ти­риш иш­лари 2017-2020 йиллар мо­байнида бос­қичма-босқич амалга оши­рилади. Ҳай­дов­чи­лар автомототранспорт восита­лари­ни мажбурий техник кўрикдан ўтказишга тақ­дим этганларида эски на­мунадаги ав­то­мо­тотранспорт воситасини қайд этиш гу­воҳ­номалари янгисига ал­маштириб бе­рилади. Автомототранспорт воситаси рўй­хатдан ўт­ка­зилганлиги тўғ­рисидаги эски намуна­даги гувоҳномалар ҳам 2021 йил 1 январдан бошлаб ҳақиқий эмас деб ҳисобланади.

Шу ўринда таъкидлаш лозимки, янги нус­хадаги пластик гувоҳномаларда ав­то­мототранспорт воситасини техник кў­рик­дан ўтганлигини акс эттирувчи белги қўйиладиган жой йўқ. Шуни инобатга ол­ган ҳолда автомототранспорт воситаси тех­ник кўрикдан ўтганлиги тўғрисидаги та­лон ҳам жорий этилди. Техник кўрик на­тижаси ана шу талонда акс этади.

Ҳилола ИСМАТОВА суҳбатлашди.