Навоида Европа киноси кунлари булиб утди

Маданият ва санъат халқларни халқларга боғлайди. Бир ҳудуднинг ёки миллатнинг маънавияти, тарихи, тараққиёти, анъаналари ҳақида тушунча берадиган кино санъати омма орасида тезкор ёйилувчи тарғибот манбаидир.

"Ўзбеккино" миллий агентлиги ҳамда Европа иттифоқи­нинг Ўзбекистондаги ваколатхонаси томонидан ташкил этилган Европа кино фестивали биринчи бор Навоий шаҳ­рида ўтказилди. Фильмлар  "Ёшлар маркази" катта залида оммага тақдим этилди. Унда Швейцариянинг "Хайди" ном­ли оилавий саргузашт фильми, Буюк Британиянинг "Карол говарит" драмаси ва бошқа кино ҳамда мульт­фильм­лар асл тилида, рус тилидаги субтитрлар билан кўр­сатилди. Бепул ташкил этилган сеансларга 500 нафардан ортиқ томошабин жалб этилди.

Тақдимот олдидан кино ижодкорлар иштирокида матбуот анжумани бўлиб ўтди. Унда "Ўзбеккино" миллий агентлиги халқаро бўлими бошлиғи Ася Батраева, Европа иттифоқи делегациясининг Ўзбекистондаги элчиси Эдуард Сти­прейс, Франция элчихонасининг маданий масалалар бўйича маслаҳатчиси Изабель Кэльбель журналистлар томонидан берилган саволларга жавоб бердилар.

Йиғилганларга намойиш этиладиган киноларнинг маз­мун-моҳияти, фестивалнинг мақсад ва вазифалари, Европа иттифоқи ва Ўзбекистон ўртасидаги маданий алоқалар, кино оламидаги ижодий изланишларга оид маълумотлар берилди. Намойиш этилган кинолар ҳақида facebook com тармоғи орқали маълумотлар жойлаштирилди.

www.dustlikbayrogi.uz Ҳилола ИСМАТОВА.